На вопросы ушачан во время «прямой линии» ответила нотариус нотариальной конторы Ушачского района Ж.Коваленко

Общество

Працягваем знаёміць нашых чытачоў з пытаннямі, што паступілі ў рэдакцыю падчас нядаўняй “прамой лініі” з натарыусам натарыяльнай канторы Ушацкага раёна Жаннай Леанідаўнай Каваленка. Думаецца, пачуць кампетэнтныя тлумачэнні па іх будзе карысна многім.

– З будучым мужам збіраемся заключыць шлюбны дагавор. Колькі гэта будзе каштаваць? І ці паўплывае на суму тое, што мая другая палавіна – іншаземец?

– Незалежна ад таго, грамадзянінам якой краіны з’яўляецца Ваш будучы муж, за засведчанне праз натарыят шлюбнага дагавору давядзецца заплаціць шэсць базавых велічынь (147 рублёў), а калі спатрэбіцца праект названага дакумента – яшчэ дзве базавыя (49 рублёў).

– Даю ў якасці пазыкі свайму знаёмаму немалую суму грошай. Каб гарантавана вярнуць гэтыя сродкі, хачу атрымаць ад чалавека распіску. Ведаю, што зрабіць гэта можна праз натарыят…

– У нас можна скласці і засведчыць дагавор пазыкі. Яго вартасці перад звычайнай “неаформленай” распіскай у тым, што ў выпадку неатрымання ў вызначаны перыяд грошай Вам не давядзецца ісці ў суд – натарыяльны надпіс на імя даўжніка па дагаворы пазыкі хутка трапіць у аддзел прымусовага выканання.

– Збіраюся падарыць сваяку кватэру. Ведаю, што аформіць здзелку можна праз арганізацыю па дзяржаўнай рэгістрацыі нерухомасці (БТІ) і натарыят. Якой службе аддаць перавагу?

– Вы маеце права выбару. Аднак варта ведаць, што ў БТІ названая здзелка афармляецца ў простай пісьмовай форме, а ў нас – у натарыяльнай. Нагадаю, што натарыус правярае чысціню здзелкі (усе факты), страхуе сваю дзейнасць, таму хвалявацца за якасць аказанай ім паслугі не давядзецца.

К.КАВАЛЕЎСКАЯ.



Добавить комментарий

Ваш e-mail не будет опубликован. Обязательные поля помечены *