Знаёмцеся: Закон Законаў
Словамі, вынесенымі ў загаловак, на бягучым тыдні ва ўстановах адукацыі Ушаччыны распачыналіся шматлікія мерапрыемствы і інфармацыйныя гадзіны, прысвечаныя знакавай даце – 25-годдзю з дня прыняцця Канстытуцыі Рэспублікі Беларусь. Вучні малодшых класаў вывучалі, а іх старэйшыя таварышы прыгадвалі гісторыю заснавання асноўнага дакумента краіны, яго структуру і палажэнні. Тэматычныя кніжныя выставы з’явіліся ў школьных бібліятэках. А ўчора васьмікласнікі, якім нядаўна споўнілася 14 гадоў, сталі ўдзельнікамі рэспубліканскай акцыі “Я – грамадзянін Рэспублікі Беларусь”: ва ўрачыстай атмасферы на раённым свяце ім уручылі пашпарты і падарункавыя наборы з Канстытуцыяй нашай краіны. Падрабязней пра мерапрыемства чытайце ў наступным нумары “Патрыёта”.
Кацярына КАВАЛЕЎСКАЯ.
