«Твестуба» набирает обороты

Общество

У сакавіку гэтага года выйшла першая прадукцыя новага не толькі для раёна, але і для краіны прадпрыемства “Твестуба”. Прайшло ўжо некалькі месяцаў і сёння прадпрыемства працуе на поўную магутнасць, а выпушчаная прадукцыя паступае да заказчыкаў.Сама назва прадпрыемства падказвае пра асноўную дзейнасць – выпуск тубаў – кардоннай намотачнай тары (патроны, гільзы, шпулі) самых розных памераў. Многія скептычна адносіліся да ідэі стварэння прадпрыемства і не верылася, што непрыглядны і стары будынак камбіната бытавога абслугоўвання знойдзе свайго гаспадара і пераўтворыцца ў сапраўдны завод.

Дарэчы, на тэрыторыі Беларусі толькі адно падобнае прадпрыемства, аднак яно не мае такіх шырокіх магчымасцей як “Твестуба” і наўрад ці складзе яму канкурэнцыю. Дзякуючы спецыяльнаму сучаснаму кітайскаму абсталяванню можна задаваць пэўны памер туб, якія і вырабляюцца для канкрэтнага заказчыка. А іх, нягледзячы на яшчэ невялікі стаж ушацкага прадпрыемства, хапае. Раней беларускія прадпрыемствы ў большасці выпадкаў былі вымушаны набываць тубы для намоткі розных відаў прадукцыі за межамі рэспублікі.

– Выпушчаная прадукцыя пастаўляецца па ўсёй Беларусі. Гэта Шклоўскі завод газетнай паперы, Віцебскі дывановы камбінат, многія прадпрыемствы сталіцы і іншых гарадоў, – расказвае намеснік дырэктара таварыства з абмежаванай адказнасцю “Твестуба” Дзмітрый Міхайлавіч Аніскевіч, – паступова знаходзім новых заказчыкаў, а значыць, і павялічваем аб’ёмы прадукцыі.

Вялікая ўвага ўдзяляецца і якасці. Каб гарантаваць надзейную і высокаякасную прадукцыю, тут займаюць актыўную пазіцыю ў прымяненні самых эфектыўных метадаў вытворчасці. Пакуль усе заказчыкі “Твестубы” задаволены якасцю выкарыстоўваемай прадукцыі, а таму і ў далейшым яна будзе запатрабавана.

Безумоўна, якасць залежыць не толькі ад абсталявання, а і ад сыравіны. У дадзеным выпадку гэта папера і клей. Для вырабу туб закупляецца наша, слонімская папера, і выкарыстоўваецца бельгійскі клей.

 

Запуск прадпрыемства гэта не толькі выпуск новай прадукцыі, папаўненне раённага бюджэту, а і стварэнне новых рабочых месцаў. Сёння на “Твестубе” працуе 24 чалавекі, але гэта не мяжа і ў трэцім квартале бягучага года плануецца павялічыць колькасць працуючых да 38. Як і ў любым калектыве, тут усё грунтуецца на дысцыпліне і адказнасці за справу.

Пакуль завод па выпуску навіўных туб і гільз працуе стабільна ў дзве змены, у далейшым пры неабходнасці будзе арганізавана і трэцяя.

Паколькі работа ідзе на канкрэтнага заказчыка, то і прадукцыя не залежваецца. У планах на будучае выпуск не толькі кардонных туб, але і ўпаковачнай тары розных памераў на базе туб.

З моманту запуску тут выпушчана 143 тоны прадукцыі на агульную суму 673 мільёны рублёў. Гэта толькі пачатак работы прадпрыемства, прадукцыя якога, можна не сумнявацца, будзе запатрабавана і далей.

В.ПОЛАЗАВА.

На здымках

: на нарэзцы тубаў; машыніст М.В.Клачок за абстал

 


Добавить комментарий

Ваш адрес email не будет опубликован. Обязательные поля помечены *