Б’Е – ЗНАЧЫЦЬ КАХАЕ…
Прыкладна такога меркавання прытрымліваюцца некаторыя даверлівыя асобы жаночага полу ў імкненні знайсці тлумачэнне не заўсёды адэкватным паводзінам мужоў ці сужыцеляў. У ліку такіх аказалася і ўраджэнка вёскі Петухі Ушацкага раёна. Свайму каханаму – жыхару Завячэлля 1966 года нараджэння – яна прабачала многія нецвярозыя выхадкі. І толькі калі нядаўна мужчына ў парыве злосці пачаў пагражаць ёй забойствам, здаўліваць рукамі шыю, прыціскаць твар падушкай, грамадзянка звярнулася ў міліцыю. Вось толькі пакуль расказвала аб рукапрыкладствах хатняга тырана, зноў яго пашкадавала і адмовілася ад напісання адпаведнай заявы. Мужчына ж упарта даказваў сваю нявіннасць, сведак злачынства не знайшлося. У выніку папярэдняе расследаванне па ўзбуджанай крымінальнай справе было прыпынена. Застаецца спадзявацца, што ўшачанка пра гэта ніколі не пашкадуе.
А.НАПРЫЕНКА, следчы раённага аддзела Следчага камітэта.