17 лютага Сцюдзёны Мікола
Сцюдзёны дзень – шубу зноў надзень. На сцюдзёнага Міколу снегу наваліць гору.
Імяніны: Георгій, Кірыл, Мікалай, Юрый.
18 лютага Агата-кароўніца
У гэты дзень у царкве асвячалі хлеб з соллю. Казалі: “Соль святой Агаты не пусціць пажару да хаты”. Лічылася заступніцай дамашняй жывёлы. Засцерагалі кароў ад сурокаў і хвароб.
Імяніны: Агата, Макар.
19 лютага Вуколы
Мароз і непагадзь у гэты дзень – да бурнай вясны і гарачага сухога лета.
Імяніны: Максім, Марыя, Хрысціна (Крысціна).