26 лютага ў раёне адбыўся яшчэ адзін пажар, які забраў чалавечае жыццё. Паведамленне аб пажары ў памяшканні вартаўніка на жывёлагадоўчай ферме ў вёсцы Сарочына паступіла ў аддзел па надзвычайных сітуацыях раніцай. Да месца адразу былі накіраваны тры падраздзяленні – пажарна-аварыйнай выратавальнай часці Ушацкага аддзела па надзвычайных сітуацыях і пажарна-аварыйных выратавальных пастоў Глыбачкі і Двор Пліна. Па прыбыцці першага падраздзялення да месца пажару назіралася гарэнне ўнутры жывёлагадоўчай фермы, а ў ходзе тушэння ў старожцы быў знойдзены труп вартаўніка фермы 1956 года нараджэння.
У выніку пажару агнём пашкоджана памяшканне старожкі, выратавана 110 галоў жывёлы. Работа на ферме пасля здарэння не спынялася. Прычына пажару вызначаецца.
С.АВАДНЁЎ, інспектар дзяржпажнагляду.