Паслугі аддзялення тэрміновага сацыяльнага абслугоўвання ТЦСАН не губляюць сваёй актуальнасці ва ўшачан. Пра некаторыя з іх наша сённяшняя гутарка з яго загадчыцай Маргарытай Анатольеўнай МАЙСЕЕНКА.
– У грамадзян з парушэннямі апорна-рухальнага апарата не заўсёды ёсць магчымасць купіць неабходнае артапедычнае абсталяванне. У вашым жа аддзяленні, наколькі я ведаю, яго можна атрымаць бясплатна.
– Трэба сказаць, што да нядаўняга часу артапедычны інвентар (кастылі, кійкі, крэслыкаляскі, хадуны) пэўным катэгорыям грамадзян выдаваўся на пракат, за што бралася невялікая плата. Зараз жа, сапраўды, умовы выдачы такога абсталявання сталі больш дэмакратычнымі: непрацаздольныя грамадзяне ва ўзросце ад 60 гадоў, а таксама інваліды І і ІІ груп могуць разлічваць на яго абсалютна бясплатна. Аднак для гэтага спатрэбіцца заключэнне ўрачэбнакансультацыйнай ці медыкарэабілітацыйнай экспертнай камісіі, якое пацвярджае патрэбу чалавека ў такіх тэхнічных сродках.
– На слыху ў многіх – паслугі нянькі, прычым таксама бясплатныя…
– Так, аказваюцца яны самым розным катэгорыям сямей. Прэтэндаваць на бясплатную няньку могуць няпоўныя ячэйкі грамадства, у якіх выхоўваецца дзіцяінвалід ва ўзросце да чатырох гадоў – у дзённы час па рабочых днях на тэрмін да 20 гадзін у тыдзень. На такіх жа ўмовах паслугі нянькі аказваюцца поўным сем’ям з двума і больш дзеткаміінвалідамі. Могуць разлічваць на бясплатную “памочніцу” і бацькі двойняў (да дасягнення малышамі 3гадовага ўзросту) – не больш за 12 гадзін у тыдзень, а таксама тройняў – да 40 гадзін.
Хачу падкрэсліць, што скарыстацца паслугамі нянькі – аднак ужо на ўмовах поўнай аплаты – могуць любыя сем’і, у якіх выхоўваецца дзіцяінвалід. Тым жа ячэйкам грамадства, у якіх малы з абмежаванымі магчымасцямі наведвае ўстанову дашкольнай адукацыі ці школу (за выключэннем навучання на доме), прэтэндаваць на памочніцу не варта.
– З умацаваннем матэрыяльнатэхнічнай базы аддзялення, напэўна, пашыраецца і спектр паслуг, якія аказваеце насельніцтву?
– Безумоўна. Сярод самых запатрабаваных – абкошванне травы мотакасой, распілоўка, сечка дроў і іх укладка ў штабель, апрацоўка зямельнага ўчастка і перавозка грузаў мотаблокам.
– Ці ёсць на іх чарга?
– Так, асабліва на мотаблок. Таму непрацаздольным грамадзянам з г.п.Ушачы і бліжэйшых вёсак раёна (менавіта гэтай катэгорыі аказваецца паслуга) варта загадзя запісацца. Узворванне адной соткі на сённяшні дзень каштуе 21 тысячу 900 рублёў, рыхленне глебы з прымяненнем фразы ў два пласты – 39 тысяч 900, нарэзка барознаў пад пасадку раслін – 9 тысяч 200.
– Мы неаднаразова расказвалі нашым чытачам пра паслугі сацыяльнай пральні, адкрытай на базе аддзялення ў Градзянцы. Цяпер яна чамусьці не працуе…
– Так, на жаль, пакуль няма патрэбнага спецыяліста для работы ў пральні. Карыстаючыся выпадкам, хачу запрасіць на гэтую пасаду інваліда ІІІ групы (пажадана жанчыну) працаздольнага ўзросту, у індывідуальнай праграме рэабілітацыі якога значыцца неабходнасць у адаптацыі.
– Страціўшы здольнасць да самаабслугоўвання, хворыя людзі, іх родныя часта шукаюць памочнікаў. Чула, што тэрытарыяльны цэнтр сацыяльнага абслугоўвання насельніцтва прапануе ўшачанам паслугі сядзелкі.
– Сапраўды. На іх аказанне можа разлічваць чалавек, які страціў магчымасць самаабслугоўвання і руху. Сядзелка будзе знаходзіцца з ім у дзённы час па рабочых днях ад 10 да 40 гадзін у тыдзень, пры неабходнасці перасцеле ложак, прыгатуе ежу, прыбярэ ў хаце і іншае.
За дадатковай інфармацыяй па ўсіх відах паслуг нашага аддзялення звяртайцеся па нумары 29289.
Гутарыла Кацярына КАВАЛЕЎСКАЯ.
