Прыемны сюрпрыз чакаў на бягучым тыдні пастаяльцаў аддзялення кругласутачнага знаходжання для грамадзян пажылога ўзросту і інвалідаў ТЦСАН у аграгарадку Вяркуды. У госці да іх з райцэнтра прыехалі даўнія сябры – актывісты раённай арганізацыі РГА “Белая Русь”. Яе старшыня Наталля Мікалаеўна Марковіч, прадстаўнікі дэпутацкага корпусу прайшліся па пакоях сацустановы, павіншавалі ўсіх з надыходзячымі навагоднімі, каляднымі святамі, пажадалі моцнага здароўя, аптымізму. Не абышлося, вядома, і без салодкіх пачастункаў ад грамадскага аб’яднання.
Некалькімі ж днямі раней святочны настрой у аддзяленні дапамаглі стварыць работнікі Сарочынскага лясніцтва, якія прывезлі і ўстанавілі ў холе навагоднюю сасну.
Кацярына КАВАЛЕЎСКАЯ.
