Паколькі не рэдкасцю сталі скаргі на нізкі асартымент аўтамагазінаў, на мінулым тыдні мы вырашылі праверыць, як забяспечаны таварам стацыянарныя гандлёвыя кропкі Ушацкага філіяла Віцебскага аблспажыўтаварыства. Абавязкова заглядвалі і на паліцы з хлебам. Пабывалі толькі ў чатырох магазінах, аднак малюнак аказаўся падобны.
“Складаней за ўсё было прывучыць, што ў нас усё ёсць. Ішлі да гэтага гадамі. А зараз нас ужо абмінаюць, бо ведаюць, што цыгарэт няма, выбар каўбас зусім маленькі, спіртное даражэй – казала прадавец магазіна вёскі Сарочына Юлія Аўтух, рэпартаж з якой рабілі некалькі год таму, як з самым высока аплачваемым прадаўцоў філіяла. І хоць і зараз у краме вельмі ўтульна і пустых паліц не ўбачыш – гэта заслуга выключна вопытных работнікаў, якія ведаюць толк у выкладцы і не забудуцца пра чарговы заказ.
Тут па-ранейшаму пярэсцяць аранжавымі бакамі апельсіны, многа хлебабулачных вырабаў, запоўнены лары з марожаным мясам.
– Без праблем паступае ўласная прадукцыяй Ушацкага філіяла, – праводзіць па зале гаспадыня. – За клёцкамі заязджаюцца граджане, многія любяць выключна ўшацкія пельмені і галубцы, а калі ў раёне старшыня Віцебскага аблспажыўтаварыства Таццяна Аляксандраўна Назарава, то абавязкова набывае нашы кексы з разынкамі. А вось асартымент малочкі невялікі, на сёння толькі “Лепелька”. Цукру няма ўжо месяц, замест яго муку паставілі такой ж кілаграмовай расфасоўкі. І калі я раней напрамую заказвала кандытарку, розныя дробязі, каб насыціць асартымент і павялічыць тавараабарот, то зараз на тым канцы проваду таксама выслухаюць, а потым паглядзяць, што даўгі, і зразумела, не прывозяць. Шкада, што наробленае гадамі так хутка знікае.
Зарплата зараз у Сарочыне – адпаведна выручцы – даплачваецца да мінімалкі. Што ж казаць пра астатніх. У Арэхаўне нас сустрэлі паўпустыя мясныя паліцы, невялікі выбар напіткаў. Толькі завітаўшая наведвальніца аптымістычна зазначыла, што ўсё добра, не бачылі б толькі горшага.
Не так пазітыўна былі настроены пакупнікі ў Вяркудах. “Самага ж неабходнага няма – сшыткаў, губак для мыцця посуду, чатыры ўпакоўкі цукру імгненна раскупілі. Хоць у нас у аграгарадку яшчэ некалькі прыватных крам, тым не менш у магазін філіяла завітваем пастаянна, бо многія тавары тут танней, – казала Тамара Іванаўна Мядзведская.
У Дубраўцы пакупніцы не на што не скардзіліся, хаця выбар каўбас жадаў быць лепшым. Многа кандытаркі ўласнай вытворчасці філіяла. Абсалютна свежы хлеб, нават два ўчарашнія боханы лёгка зміналіся і вярталі форму. Апетытныя батоны, шмат пячэння. Наогул літаральна ва ўсіх узгаданых магазінах не аказалася чэрствых хлебабулачных вырабаў, што яўна парадавала. Толькі і яны з’явяцца, калі ўсё менш пакупнікоў будзе завітваць у магазіны Ушацкага філіяла.
Вольга КАРАЛЕНКА.