З выдатным спартыўным вынікам вярнуліся з абласнога цэнтра прадстаўнікі Ушацкага райаддзела міліцыі.
На спаборніцтвах упраўлення ўнутраных спраў Віцебскага аблвыканкама па плаванні на мінулым тыдні сабралася амаль паўсотні праваахоўнікаў. Мужчынам і жанчынам неабходна было пераадолець 100-метровую дыстанцыю двойчы: брасам і вольным стылем. Зрэшты, у апошняй дысцыпліне начальнік Ушацкага РАУС Віталь Станіслававіч Карэнскі, які з’яўляецца кандыдатам у майстры спорту па плаванні, не пакінуў сваім канкурэнтам ніводнага шансу на перамогу. Добрыя секунды на блакітнай дарожцы прадэманстравала і начальнік штаба Святлана Іванаўна Ціханёнак. І хоць чэмпіёнскія лаўры яна не пажынала, выніку хапіла для заваявання ўшацкай камандай першага месца ў сваёй падгрупе.
Кацярына КАВАЛЕЎСКАЯ.
