Зіма ў Беларусі часта з’яўляецца цяжкім выпрабаваннем длявадзіцеляў аўтатранспарту, а таксама работнікаў дарожных і камунальныхслужб. Складаныя ўмовы надвор’я і стан дарог у такі перыяд спрыяюць здзяйсненню дарожна-транспартных здарэнняў. Так, толькі за мінулы тыдзень ва Ушацкім раёне адбылося тры аварыі. На шчасце, у іх ніхто не пацярпеў.
Істотны ўклад у папярэджанне ДТЗ у зімовы час павінны ўносіць дарожныя і камунальныя службы, якія, на жаль, не заўсёды своечасова праводзяць работу па ачыстцы дарог і вуліц ад снегу, падсыпцы іх супрацьгалалёдавымі сродкамі. Каб не дапусціць гэтага, з 26 студзеня па 12 лютага Дзяржаўтаінспекцыя праводзіць аператыўна-прафілактычнае мерапрыемства «Зімняя дарога». У яе рамках супрацоўнікі ДАІ правераць якасць утрымання вулічна-дарожнай сеткі, стан тэхнічных сродкаў арганізацыі дарожнага руху — пры выяўленні парушэнняў адказныя асобы будуць прыцягнуты да адміністрацыйнай адказнасці.
Безумоўна, нельга расслабляцца і самім вадзіцелям. Падчас галалёду, снегападаў і ва ўмовах снежных заносаў яны павінны быць асабліва асцярожнымі, выбіраць бяспечную хуткасць руху. Не варта забываць і пра абавязковае выкарыстанне зімніх шын.
Я.КАЎНУРКА, начальнік ДАІ.
