Адно з самых прыгожых вясновых свят – 8 Сакавіка – чакаюць усе прадстаўніцы прыгожай паловы чалавецтва. Для 35-ці ж ушачанак гэтая дата асаблівая ўдвая: у Міжнародны жаночы дзень яны штогод атрымліваюць віншаванні яшчэ і з нагоды свайго Дня нараджэння. Сёлета дзве з іх, жыхаркі гарпасёлка, адзначаць юбілеі: 50-гадовы – Галіна Аляксандраўна Ігнатовіч, 90-гадовы – Валянціна Міхайлаўна Рудзёнак. Жыхарка ж вёскі Лажане Александрына Іосіфаўна Шаблова сустрэне ў аўторак свой ужо 96-ы (!) Дзень нараджэння.
Прымаюць віншаванні ў гэты дзень і 30 ушачан з ліку прадстаўнікоў моцнай паловы. З’явіўшыся на свет 8 сакавіка, яны сталі самым дарагім падарункам для сваіх матуль.