Карткі МТБанка “Халва”, на якія пазыка выдаецца без працэнтаў, не хадзілі ў раёне, паколькі нашы гандлёвыя арганізацыі не супрацоўнічалі з гэтым банкам. Зараз заключана пагадненне, згодна з якім ушачане – утрымальнікі карткі “Халва” могуць па ёй набыць прамысловыя тавары ў любых нехарчовых магазінах, а таксама прадукты харчавання ў магазінах “Цэнтральны” і “На Віцебскай” у растэрміноўку на тры месяцы. У некаторых ушачан мабыць і ёсць гэтыя карткі, калі не, то можна звярнуцца да прадстаўніка банка па нумары 5099999 (МТС і Велком). Як і пры атрыманні беспрацэнтнай пазыкі “Беларусбанка”, утрамальнік “Халвы” не плаціць працэнтаў за набыты ў растэрміноўку тавар, замест яго гэта робіць гандлёвая арганізацыя.