Не дотрагивайтесь к обвисшим электрическим проводам и тем, которые лежат на земле!

Профилактика и безопасность

Паветраныя i кабельныя лiнii электраперадачы, падстанцыі, размеркавальныя пункты тояць у сабе рэальную небяспеку для жыцця. Большасць цяжкіх няшчасных выпадкаў, звязаных з паражэннем электрычным токам, адбываецца ў выніку дакранання да правіслых правадоў ці тых, што ляжаць на зямлі.

Нават пасля абрыву провад электрычнай сеткі можа знаходзіцца пад напружаннем і пры яго трапленні на зямлю пад электрычным патэнцыялам аказваецца ўчастак ля яго. Таму нельга падыходзіць да абарванага проваду бліжэй 8 метраў – ногі падчас хадзьбы апынуцца на рознай адлегласці ад пункту замыкання, а значыць пад розным электрычным патэнцыялам, што стварае так званае “напружанне крокаў”. Пад дзеяннем току ў нагах узнікаюць сутаргі, чалавек валіцца і ланцуг току замыкаецца яго целам. Калі вы ўсё ж трапілі ў “крокавае напружанне”, нельга адрываць падэшвы ад паверхні зямлі. Аддаляйцеся ад проваду “гусіным крокам”: не адрываючы ногі ад зямлі.

Правадніком току з’яўляецца не толькі зямля, але і бетонная ці цагляная падлога. 6-гадовы хлопчык памёр ад электратраўмы, якую атрымаў, крануўшы правады на даху дома, дзе гуляў з сябрамі. 18-гадовы юнак загінуў пад паветранай лініяй пры пераходзе з паднятай уверх вудай, якой закрануў правады. Гэтыя прыклады не адзінкавыя.

Выявіўшы паваленыя апоры, абарваныя ці правіслыя правады, неадкладна арганізуйце ахову месца пашкоджання, каб іншыя людзі і жывёлы не закранулі іх. Ахову кідаць нельга! Паспрабуйце крыкам прыцягнуць увагу людзей, паведаміце аб тым, што здарылася, каму-небудзь з дарослых або патэлефануйце па нумары 2-10-51 дыспетчару РЭСа. Калі вакол працяглы час няма людзей і ў вас няма з сабой тэлефона, зрабіце агароджу месца пашкоджання з наяўнага пад рукой матэрыялу: палак, галін, дрэў. Пасля гэтага можна пайсці да бліжэйшага тэлефона для паведамлення пра аварыю. Катэгарычна забараняйце дзецям гуляць паблізу паветраных ліній электраперадачы і падстанцый, запускаць “паветранага змея”, накідваць што-небудзь на правады, залазіць на апоры, прыстаўляць да іх лесвіцы і іншыя прадметы.

Найбольшую небяспеку ўяўляюць правады паветраных ліній, размешчаныя ў кроне дрэў ці кустоў або паблізу да іх. Не дакранайцеся да такіх дрэў і не разгойдвайце іх, асабліва ў сырое надвор’е – гэта праваднік электрычнага току.

У паветры паміж электраўстаноўкай і целам чалавека ўзнікае электрычная дуга і наносіць несумяшчальныя з жыццём апёкі. Так, падлетак узабраўся на металічную апору паветранай лініі напружаннем 110 кілавольт, каб палкай спудзіць голуба. Наблізіўшыся да провада, атрымаў смяротную траўму.

С.ЯРМОШ, начальнік ушацкай раённай інспекцыі энерганагляду.



Добавить комментарий

Ваш адрес email не будет опубликован. Обязательные поля помечены *