З 29 чэрвеня па 1 кастрычніка органы ўнутраных спраў краіны праводзяць комплекс аператыўна-вышуковых і прафілактычных мерапрыемстваў у мэтах недапушчэння крадзяжоў зерня і таварна-матэрыяльных каштоўнасцяў сельгаспрадпрыемстваў, выяўлення фактаў безгаспадарчасці з боку пасадных асоб, адказных за належную арганізацыю жніва.
Супрацоўнікі Дзяржаўтаінспекцыі адсочваюць дарожную абстаноўку пры перамяшчэнні тэхнікі паміж палямі, пры неабходнасці аказваецца дапамога ў яе суправаджэнні. Значная ўвага ўдзяляецца кантролю за фізічным станам вадзіцеляў і механізатараў, тэхнічнай спраўнасцю транспартных сродкаў – толькі за першы тыдзень жніўня ў Беларусі выяўлена 19 фактаў кіравання сельгастэхнікай асобамі, якія не мелі на гэта права. Сумесна з інспекцыяй Дзяржтэхнагляду праводзяцца тэхнічныя агляды зернеўборачных камбайнаў.
Хочацца звярнуцца да жыхароў Ушацкага раёна з просьбай паведамляць аб асобах, задзейнічаных на жніве, якія маюць дачыненне да здзяйснення правапарушэнняў, па нумары 102. Тэлефон працуе кругласутачна, ананімнасць гарантавана.
А.ЛІСОЎСКІ, старшы дзяржаўтаінспектар аддзялення ДАІ.
