Напярэдні свята кіраўнік раёна, прадстаўнікі аддзела па адукацыі райвыканкама завіталі да выхаванцаў дома сямейнага тыпу ў аграгарадку Арэхаўна. Госці шчодра дарылі хлопчыкам і дзяўчынкам цёплыя словы і, канечне, падарункі. Прычым, такія, каб заняць адразу ўсіх, – настольныя гульні, мазаіку.
На сённяшні дзень у сям’і Залатых выхоўваюцца сямёра хлопчыкаў і дзяўчынак. Старшыня райвыканкама Уладзімір Генадзьевіч Аўдошка і начальнік аддзела па адукацыі Наталля Васільеўна Стрыжонак выказалі словы ўдзячнасці гаспадарам дома, якія ўсклалі на сябе няпростую ношу – выхаванне сваіх дзетак і тых, што засталіся без апекі родных бацькоў. Малым жа госці пажадалі весела і з карысцю правесці канікулы, а старэйшай Сняжане – паспяхова здаць выпускныя экзамены і паступіць у абраную навучальную ўстанову.
Кацярына КАВАЛЕЎСКАЯ.
