З мэтай прафілактыкі распаўсюджання COVID-19, вострых рэспіраторных вірусных інфекцый, Ушацкая цэнтральная райбальніца часова пераходзіць на новы рэжым:
прыпыняе сваю работу дзённы стацыянар, адмяняюцца планавая стаматалогія, прафілактычныя медагляды, планавая шпіталізацыя (класці пацыентаў у аддзяленні будуць толькі ў выпадку вострай неабходнасці). Медыкі просяць жыхароў раёна з разуменнем аднесціся да ўзгаданых мер і нагадваюць, што самым эфектыўным спосабам прафілактыкі каранавіруса з’яўляецца вакцынацыя. Зрабіць прышчэпку расійскім ці кітайскім прэпаратам па-ранейшаму можна як у паліклініцы, так і па месцы працы, жыхарства (па папярэдняй заяўцы).