На тэрыторыі Ушацкага раёна з 17 па 19 мая праводзіліся спецыяльныя комплексныя мерапрыемствы “Нелегал”, якія былі арганізаваны згодна распрацаванага плана і зыходзячы з той абстаноўкі, якая склалася на тэрыторыі раёна. Было задзейнічана 28 супрацоўнікаў РАУС. Штодня праводзіліся праверкі аўтавакзала, рынка, гасцініцы, правераны 2 інтэрнаты ў гарпасёлку, кватэры і прыватныя домаўладанні, у якіх пражываюць або раней пражывалі іншаземцы або асобы без грамадзянства, а таксама асобы, якія аформілі часовае пражыванне і прабыванне.
Складзена 10 адміністрацыйных пратаколаў за парушэнне правіл прабывання на тэрыторыі Рэспублікі Беларусь, двое грамадзян прыцягнута да адміністрацыйнай адказнасці за пражыванне па пратэрмінаваным пашпарце і відзе на жыхарства.
У ходзе комплексных мерапрыемстваў правераны 4 сельгаспрадпрыемствы, устаноўлена 2 парушэнні парадку ажыццяўлення працоўнай дзейнасці – кіраўнікі гаспадарак прынялі на работу іншаземцаў і асоб без грамадзянства.
Груп нелегальных мігрантаў, якія перамяшчаліся праз тэрыторыю раёна, у выніку праведзеных мерапрыемстваў не выяўлена. Асобы без пэўнага месца жыхарства, якія здзейснілі злачынствы, таксама не выяўлены.
С.ПУГАЧОЎ,
старшы інспектар групы па
грамадзянстве
Суббота, 20.04.2024
