Сапраўды, гэта маладая жанчына ўдасканальвалася паступова. Прычым, уверх узнімалася даволі хутка.
Канечне, калі Таццяна Васільеўна Паўлючэнка ў канцы 2009-га атрымала прапанову на такую адказную пасаду, ёй было над чым задумацца. У 31 год прадстаяла ўзяць на сябе частковую адказнасць за справы і людзей шматколькаснага калектыву, прычым, у новым раёне. Прызнацца, мы, яе калегі, жадалі ёй усяго добрага, у той жа час хваляваліся за Таццяну. Усё павінна была канчаткова вырашыць сама яна.
І маладой жанчыне хапіла смеласці, рашучасці. Яна згадзілася на новую пасаду. У рашэнні Таццяны, канечне, ёсць жаданне рэалізаваць сваю маладую энергію і веды, імкненне да ўдасканалення, выпрабавання сваіх магчымасцей. Мы рады. Верым у будучы поспех нашай Таццяны Васільеўны. Для гэтага ў яе ёсць адукацыя (Беларускі гандлёва-эканамічны універсітэт спажыўкааперацыі), практыка работы, пачынаючы з ніжэйшай кадравай планкі. А галоўнае, канечне, маецца здаровы інтарэс да сферы, якая непасрэдным чынам служыць людзям.
А яшчэ наша Таццяна – уважлі- вая жонка, любячая маці. У яе добрая сям’я.
Хочацца, каб у такой дастойнай прадстаўніцы Ушаччыны ўсё складвалася па-ранейшаму паспяхова. Ведаем, што ў гэтыя дні ў Таццяны Васільеўны шмат спраў на новым месцы. Што значыць наладжванне работы аднаго толькі магазіна плошчай больш 400 квадратных метраў у Дуброўне. Клопатаў, канечне, хапае. Дык няхай адказная справа прыносіць новыя і новыя поспехі. М.ХРАМЁНАК,
намеснік старшыні
райспажыўтаварыства па кадрах і ідэалагічнай рабоце. На здымку: Таццяна Паўлючэнка.