Дзякуючы праграме з назвай «Школьны аўтобус» новы транспарт для падвозу дзяцей у пачатку кастрычніка атрымаў аддзел адукацыі, спорту і турызму райвыканкама. Новая машына МАЗ-241S30 на 22 пасадачныя месцы, якая мае дадатковыя сістэмы бяспекі для дзяцей і вадзіцеля, знешнюю гучную сувязь, высоўную прыступку, каштуе амаль 706 мільёнаў рублёў. Гэта ўжо другая адзінка тэхнікі, атрыманая нашым раёнам па праграме “Школьны аўтобус”, якая рэалізуецца на сродкі Банка развіцця Беларусі. Такія ж машыны атрымалі яшчэ дзевяць раёнаў Віцебшчыны.
