На Ушаччыне працягваецца сезон актыўнага адпачынку і аздараўлення школьнікаў. Зараз у стацыянарным лагеры “Турасполле” ідзе другая змена, не за гарамі і трэцяя – яна стартуе ўжо 17 ліпеня. Акрамя гэтага на базе “Турасполля” 26 ліпеня адкрыецца дзевяцідзённы палатачны эколагабіялагічны лагер. А з 25 ліпеня па 17 жніўня на базе Ушацкай школы (сумесна з райаддзелам міліцыі) будзе працаваць дзённы ваеннапатрыятычны лагер.
Магчымасць з карысцю правесці канікулы ў школьнікаў яшчэ ёсць! Па пытаннях набыцця пуцёвак, іншых, звязаных з аздараўленнем дзяцей, можна звяртацца ў аддзел адукацыі, спорту і турызму райвыканкама, кабінет 73 да метадыста Алены Мечыславаўны Жук (тэлефон 27492).