Марына Харэвіч, старшыня пярвічнай прафсаюзнай арганізацыі цэнтральнай раённай бальніцы: – Мы жывём у сацыяльна арыентаванай дзяржаве з развітай эканомікай, вялікім інтэлектуальным патэнцыялам. У краіне няма канфліктаў на нацыянальнай і рэлігійнай глебе, забяспечаны сацыяльны спакой, прававая абароненасць, роўнадаступнасць насельніцтва да працы, адукацыі, медыцынскага абслугоўвання, культуры. Мы ўсе зацікаўлены ў тым, каб і далей наша дзяржава эфектыўна развівалася, паступова і сістэмна рухалася наперад. Пайду на рэферэндум, таму што ўсведамляю значнасць падзеі, адчуваю адказнасць за лёс сваёй краіны. Толькі мы вызначаем, як нам жыць заўтра, якая будучыня будзе ў нашых дзяцей і ўнукаў, што дастанецца ім у спадчыну.
