На мінулым тыдні на базе вайсковай часці 2034 (Полацкі пагранічны атрад) прайшла абласная спартакіяда падлеткаў, арганізатарамі якой выступілі аддзелы па справах моладзі і адукацыі Віцебскага аблвыканкама, абласная арганізацыя БРСМ. У мерапрыемстве прыняла ўдзел і каманда нашага раёна ў складзе шасці чалавек – вучняў Ушацкай школы.
Спартакіяда праводзілася з мэтай прыцягнення падлеткаў да сістэматычных заняткаў фізічнай культурай і спортам, прафілактыкі правапарушэнняў з удзелам падлеткаў, а таксама накіравана на выхаванне ў моладзі грамадзянскай адказнасці і патрыятызму.
Праграма спаборніцтваў уключала спартыўна-прыкладное мнагабор’е, камбінаваную эстафету і перацягванне каната. Паміж 25 камандамі з гарадоў і раёнаў вобласці разгарнулася ўпартая барацьба, у выніку якой перамога дасталася камандзе Глыбоцкага раёна.
В.ПОЛАЗАВА. 
Понедельник, 29.04.2024
