Май аказаўся ўдалым для беларускіх грыбнікоў. У сацсетках многія зараз актыўна дзеляцца фатаграфіямі трафеяў з ціхага палявання. У лясах людзі знаходзяць не толькі традыцыйныя вясновыя смаржкі ды страчкі, але і больш познія падасінавікі, маслякі, баравікі…
Парадаваліся сваёй знаходцы і вучні Вялікадолецкай школы. У Касарскім лесе, дзе разам з педагогамі ў мінулую пятніцу займаліся вывучэннем папуляцыі сон-травы, яны выпадкова натрапілі вось на такіх прыгажуноў (на здымках).
