Стала добрым звычаем у межах Міжнароднага свята традыцыйнай культуры “Браслаўскія зарніцы” праводзіць конкурс беларускіх танцаў, мэтай якога з’яўляецца аднаўленне і папулярызацыя гэтага напрамку творчасці, развіццё фальклорнага руху.
Другі год запар наш раён на конкурсе прадстаўлялі дзіцячы фальклорны гурт “Спадчына” Матырынскага сельскага клуба, парывыканаўцы ва ўзроставай катэгорыі ад 16 да 30 год: Ілья Шалонька і Дар’я Казак, Кірыл Шалыга і Крысціна Баркоўская, Ілья Макрыдзін і Алівія Балаган. Для ўдзелу ў танцавальным турніры пары павінны былі падрыхтаваць 10 танцаў, такія як “Абэрак”, “Верацяно”, “Полька”, “Какетка”, “Лявоніха”, “Мікіта”. Усяго ў конкурсе прымалі ўдзел 43 дуэтывыканаўцы, і прыемна адзначыць, што ўсе тры нашы пары выйшлі ў паўфінал. Асабліва ж уразілі журы Ілья Макрыдзін і Алівія Балаган (на пярэднім плане здымка), якія сталі лаўрэатамі III ступені, былі ўзнагароджаны дыпломам і каштоўным падарункам. Яшчэ адзін дыплом удзельнікі калектыву “Спадчына” атрымалі за адметны танец нашага рэгіёна “Падыспань паматырынску”.
Г.РУДЗЁНАК, метадыст Ушацкага раённага цэнтра культуры і народнай творчасці.