Творческий форум «Лёд. Цветы. Фантазия» принёс юным ушачанкам серебряную награду областного конкурса

Мир увлечений Наши дети

Пра тое, наколькі захапляльна майстраваць вырабы з прыродных матэрыялаў, удзельніцы творчага аб’яднання раённага цэнтра дзяцей і моладзі “Чароўны куфэрак” могуць расказваць бясконца. Нават у самой назве гуртка закладзены той сэнс, што літаральна з любой сыравіны можна зрабіць чарадзейную цацку, карціну, пано. Калі, канечне, праявіць фантазію і стараннасць – ну а гэтых якасцяў выхаванкам кіраўніка аб’яднання Ганны Аляксандраўны Бабянок не займаць! Вось і прывозяць ледзь не з кожнага абласнога конкурсу дзяўчаты дыпломы і прызы.

Працягнулася прыемная традыцыя і сёлета: творчы форум “Лед. Кветкі. Фантазія” прынёс ушачанкам срэбраную ўзнагароду. 8 снежня ў Віцебску праходзіў вочны этап, на якім дзеці павінны былі за паўтары гадзіны выканаць работу ў тэхніцы фітадызайн. За перамогу ў гэтым конкурсе змагалася 16 каманд, у склад якіх увайшлі па два гурткоўцы цэнтраў дзяцей і моладзі розных рэгіёнаў вобласці і горада Віцебска. Наш раён прадстаўлялі вучаніцы Ушацкай школы васьмікласніца Марыя Хамічонак і шасцікласніца Яна Чапкевіч (на здымку). Іх цудоўнае пано “Мароз Іванавіч”, створанае па матывах зімніх казак на аснове бяросты, проста зачаравала членаў журы. У адным вырабе дзяўчаты “пасялілі” персанажаў “Снежнай Каралевы” і “Марозка”, гарэзлівага Ямелю і небараку ваўка, што лавіў рыбу хвастом у палонцы. Дзяўчаты атрымалі дыплом, а іх работа стане экспанатам выставы, якая ўпрыгожыць хол канцэртнай залы “Віцебск” на абласной ёлцы для лепшых вучняў нашага рэгіёна.

Наталля БАГДАНОВІЧ.



Добавить комментарий

Ваш адрес email не будет опубликован. Обязательные поля помечены *