У канцы мінулага тыдня ў вёсцы Казьяне Сарочынскага сельсавета адбыўся пажар – гарэў аўтамабіль. Абышлося без пацярпелых – гаспадара машыны паблізу не было.
У выніку тэхніка моцна пашкоджана агнём, уцалела толькі задняя частка. Па папярэдняй прычыне здарэнне адбылося з-за няспраўнасці электрасеткі.
З пачатку года на Ушаччыне зарэгістравана ўжо 18 пажараў. У большасці выпадкаў узгаранні адбыліся па прычыне парушэння правіл эксплуатацыі электрычных сетак і электраабсталявання. Не карыстайцеся няспраўнымі электрапрыборамі, а пакідаючы дом выключайце іх з сеткі.
