У адказ на крытычны артыкул “Не капрыз, а неабходнасць”, змешчаны ў нумары 74 за 19 верасня, паведамляем, што ў 2016 годзе асфальтаванне вуліцы Петруся Броўкі ў г.п.Ушачы не плануецца ў сувязі з адсутнасцю фінансавання.
А.ГАЛЯКОВІЧ, намеснік старшыні Ушацкага райвыканкама.
На крытычны артыкул “Не капрыз, а неабходнасць” УП ЖКГ паведамляе наступнае: стан вуліц П.Броўкі, а таксама прылягаючых Камсамольскай, НіжнеНабярэжнай, Чапаева і Маладзёжнай знаходзіцца на кантролі – грэйдзіруюцца і кожны год робіцца падсыпка. Па Петруся Броўкі і Камсамольскай дарогі падсыпаны ўжо, у хуткім часе будзе зроблена падсыпка па Маладзёжнай.
Аднак гэта толькі частковыя меры, якія не дазваляюць мець нармальнае пакрыццё на працягу ўсяго года. Справа ў тым, што пры праектаванні вуліцы Петруся Броўкі не былі прадугледжаны кюветы. Гэтая і суседнія вуліцы маюць рэзкія спускі, таму патокі вады ідуць па палатне і размываюць падсыпку. Месца ж ля дзіцячага сада самае нізкае, таму ў дажджлівае надвор’е там і ўтвараюцца лужы.
Кардынальна змяніць стан дарожнага палатна можа толькі будаўніцтва ці капітальны рамонт дарогі, калі будзе зроблены адпаведны ўхіл і абавязкова кюветы.
С.ЗАВАДСКІ, дырэктар УП ЖКГ.
