Праверка пастаноўкі тэхнікі на зімовае захоўванне 18-19 кастрычніка паказала, што работы, якія да 25 чысла бягучага месяца павінны быць закончаны, у некаторых гаспадарках фактычна толькі пачаліся. Неспрыяльнае сёлетняе надвор’е, канечне, зацягнула тэрміны земляробчых работ, але многія адзінкі тэхнікі не выкарыстоўваюцца ўжо значны час, асобныя – гадамі, а на захоўванне так і не пастаўлены.
Два камбайны з сямі гатовы да зімоўкі ў КУСГП “Глыбачаны” – тыя, што сёлета ва ўборачнай удзел не прымалі. На момант праверкі работы вяліся, але астатняя тэхніка не падрыхтавана. Нявырашаным застаецца і пытанне з рамонтам агароджы машыннатрактарнага парка.
Не пастаўлены пакуль на захоўванне камбайны ў КУСГП “Арэхаўна”. Не лепшым чынам выглядае і тэхніка, якая ўжо не прымае ўдзел у палявых работах – пасяўны агрэгат АПП3, лафет для транспарціроўкі самаходнага комплексу, прэспадборшчыкі і іншыя.
У ААТ “Ільюшынскі” вяліся работы па пастаноўцы на захоўванне паловы камбайнаў – чатыры агрэгаты пакуль заняты на ўборцы алейнай рэдзькі і канюшыны. Астатняя тэхніка і прычапныя механізмы не падрыхтаваны.
На момант праверкі па адным збожжаўборачным агрэгаце паставілі на захоўванне ў КУСГП “Кублічы”, ААТ “АграСелішча” і “Ушацкі райаграсэрвіс”. Адзін няспраўны кубліцкі камбайн працягвае стаяць на полі, шмат работы яшчэ і на мехдвары. Але трэба адзначыць, што змены да лепшага ёсць. Кормаўборачны агрэгат КВК800 пастаўлены на калодкі, маторны адсек і праводка ўкрыты плёнкай, колы пабелены. Праведзена работа па пастаноўцы на захоўванне некаторай іншай тэхнікі.
Бязлюдным у разгар рабочага дня быў мехдвор “АграСелішча”, дзе ачысткі і падрыхтоўкі на захоўванне патрабуе не адзін дзясятак механізмаў.
Толькі адзін слесар займаўся гэтай справай у машыннатрактарным парку “Райаграсэрвіса”, зза чаго работы вядуцца крайне нізкімі тэмпамі. Між тым на балансе прадпрыемства і мехдвор былога КУСГП “Дубраўка”. Тут на “вечным захоўванні” знаходзяцца тры камбайны, якія не эксплуатуюцца. За год яны яшчэ больш разукамплектаваны – адсутнічае праводка, колы рулявых калонак, іншыя вузлы. На тэрыторыі раскідана навясное абсталяванне, прычэп 1ПТС9 загружаны смеццем і зарос бур’янам, пад навесам валяюцца разабраныя плугі і граблі.
Пакуль толькі два камбайны з дзевяці гатовы да зімоўкі ў КУСГП “Вялікадолецкае”. Марудзяць і з іншай тэхнікай, хаця для яе пастаноўкі трэба выканаць невялікія аб’ёмы работ – ачысціць тэрыторыю пляцоўкі і выстраіць агрэгаты згодна ГОСТа. Зрушылася справа ў ААТ “Дземенец” – работы вядуцца, два з чатырох камбайнаў пастаўлены на захоўванне, прычэп РУ7000 апрацаваны ад карозіі, ачышчаны ад пустазелля каменепадборшчык, некаторыя іншыя агрэгаты. Паралельна з падрыхтоўкай тэхнікі неабходна правесці абкос тэрыторыі па перыметры мехдвара, рамонт агароджы.
Нагадаю кіраўнікам сельскагаспадарчых арганізацый раёна, што пасля 25 кастрычніка з удзелам камісіі ўпраўлення сельскай гаспадаркі і харчавання райвыканкама будзе праведзена кантрольная праверка з падвядзеннем вынікаў на калегіі райсельгасхарча. Асобы, не прыняўшыя дзейсныя меры па пастаноўцы тэхнікі на працяглае захоўванне, будуць прыцягнуты да дысцыплінарнай адказнасці.
І.Пухальскі, начальнік інспекцыі Дзяржтэхнагляду Ушацкага раёна.
