Александр Викторович Шарипенко

Аляксандр Віктаравіч Шарыпенкапасля заканчэння Гродзенскага сельскагаспадарчага інстытута па спецыяльнасці агранамія ўвесь час працуе ў сельскай гаспадарцы, са снежня 2001 – старшынёй калгаса імя Кірава, які пазней быў перайменаваны ў сельскагаспадарчы вытворчы кааператыў “Дземенец-Агра”. За час яго работы невялікі калектыў не толькі заўсёды спраўляецца з выкананнем пастаўленых задач, аднак і з’яўляецца ўзорам для іншых гаспадарак раёна па культуры земляробства.
Кааператыў на працягу апошніх гадоў мае самую высокую ўраджайнасць зерневых культур у раёне – 41 цэнтнер з гектара ў мінулым годзе. За плённую работу на зямлі ўзнагароджваўся Ганаровымі граматамі раённага выканаўчага камітэта. Нават сёлета, калі ў цэлым па рэспубліцы з-за спякоты недаатрыманы запланаваны ўраджай, у “Дземенца-Агра” ён вышэйшы за сярэднеабласны – 29,1 цэнтнера. У гэтым непасрэдная заслуга Аляксандра Віктаравіча, яго вопыту і ведаў. Паколькі ў гаспадарцы няма агранома, кіраўнік сам падбірае перспектыўныя сарты і плошчы, сочыць за аптымальнымі тэрмінамі пасеваў, кантралюе якасць работ і своечасовасць правядзення догляду за пасевамі, пастаянна дабіваецца павышэння ўрадлівасці глебы.
Выдатны гаспадарнік, А.В.Шарыпенка шукае эканамічна выгадныя для гаспадаркі расліны, наватар па вырошчванні насення кармавых бабовых культур. Гаспадарка не толькі атрымлівае добры ўраджай, але і выгадна прадае яго, менавіта “Дземенец-Агра” у мінулыя гады першым у раёне выконваў дзяржзаказ і поўнасцю закрываў яго па піваварным ячмені.
Аляксандр Віктаравіч любіць зямлю і творча, з задавальненнем займаецца хлебаробчай справай. Пад яго пачаткам у калектыве створана атмасфера добразычлівасці і разам з тым узаемнай патрабавальнасці. Выдатны псіхолаг, кіраўнік умела выкарыстоўвае лепшыя якасці падначаленых, правільна размяркоўвае абавязкі і як вынік – кожны зацікаўлены ў дасягненні намечанага і стабільнасці ў рабоце.