29 снежня ў раённым Доме культуры ў рамках акцыі “Нашы дзеці” прайшла дабрачынная ёлка, куды былі запрошаны дзеці, якія засталіся без апекі бацькоў, сіроты, з апякунскіх і прыёмных сем’яў, пераможцы розных конкурсаў, спаборніцтваў, алімпіяд са школ раёна, усяго 168 чалавек. Урачыстай прамовай хлопчыкаў і дзяўчынак вітаў старшыня райвыканкама А.А.Кавалёнак. А затым каля навагодняй ёлкі прайшла музычна-забаўляльная праграма з казачнымі і навагоднімі персанажамі. Кожны з дзяцей атрымаў салодкі падарунак.
