Сёння ў Сяргея Мікалевіча Баграца выхадны. За прыяд корманарыхтоўкі і жніва іх можна было пералічыць па пальцах, а сённяшні – заслужаны і асабліва прыемны. Вадзіцель “Ушацкага райаграсервіса” – удзельнік рэспубліканскіх “Дажынак” у Лідзе. Адзіны сёлета, ён працягвае задзел сваіх калег з аргані- зацыі Аляксандра Кірышчанкі і Аляксея Краўчанкі, якія летась упершыню прадстаўлялі Ушацкі раён на галоўным форуме аграрыяў.Ужо ў жніўні на звычайна бадзёрую ўсмешку Сяргея лягла стома. Як ёй не быць, калі ён паспяваў перавозіць збожжа адразу ад трох камбайнаў на вялікую адлегласць і выйсці абсалютным пераможцам па раёне – 1805 тон. І гэта яшчэ не ўсё. Менавіта яго кандыдатура падавалася на ўдзел у “Дажынках” адразу ў дзвюх намінацыях: на перавозцы збожжа і кармоў. Гэта пры тым, што названыя работы часта ідуць паралельна! Лета, як заўважыў Сяргей, не бачыў.І калі на перавозцы збожжа знайшліся лепшыя, то сярод вадзіцеляў транспартных сродкаў, ажыццяўляючых перавозку травяных кармоў, ён заняў трэцяе месца ў краіне. Перавёз 662,5 тоны на адзін кубічны метр – менавіта такі паказчык бярэцца ў разлік, каб у роўных умовах былі вадзіцелі дваццацітонных прычэпаў і звычайных ПІМаў. У пераліку ж на зялёную масу гэта 7288 тон.
Дарэчы, толькі сёлета Сяргей Мікалаевіч перасеў за руль новага велікагрузнага МАЗа, да гэтага паспяхова працаваў на ЗІЛу і таксама абганяў многіх.
Настрой у пераможцы, канечне, сёння выдатны. Знаёміцца з калегамі з іншых раёнаў, аглядае ўпрыгожаную Ліду і сталіцу Гродзенскай вобласці, прыбылі ў якую яшчэ ў чацвер. Дэлегацыя Віцебскай вобласці не толькі арганізавана ехала на свята, але і ўсім удзельнікам сёлета пашылі аднолькавыя касцюмы. Хоць на прымеркі Сяргей і не ездзіў, касцюм лёг выдатна.
