У рамках правядзення Адзінага дня інфармавання інфармацыйна-прапагандысцкая група на чале са старшынёй райвыканкама С.С.Садоўскім сустрэлася з калектывам Ушацкай школы.
Акрамя асноўнай тэмы – “Эканамічная бяспека – ключавая ўмова ўстойлівага развіцця беларускай дзяржавы” – абмяркоўваліся і іншыя актуальныя пытанні: работа педагогаў у інфармацыйнай прасторы, патрыятычнае выхаванне падрастаючага пакалення, супрацьдзеянне экстрэмізму. Нагадаем, што за распаўсюджванне, выраб, захоўванне інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць, прадугледжана адміністрацыйная адказнасць. Са спісам матэрыялаў, прызнаных у Беларусі экстрэмісцкімі, можна азнаёміцца на сайтах Міністэрства ўнутраных спраў і Міністэрства інфармацыі.
