2 красавіка 1997 года прэзідэнтамі дзвюх краін быў падпісаны Дагавор аб Саюзе Беларусі і Расіі. З таго часу 2 красавіка адзначаецца як Дзень яднання народаў Беларусі і Расіі.
Мы ніколі не парывалі братэрскіх стасункаў, аднак амаль за 30 год адносіны перайшлі на іншы ўзровень.
Створаны кіруючыя органы Саюзнай дзяржавы, якія і распрацоўвалі сотні сумесных праектаў у абароне, навуцы, адукацыі, культуры. У Беларусі заключаны эканамічныя пагадненні практычна з кожным расійскім рэгіёнам. Заснаваны прэміі Саюзнай дзяржавы ў навуцы, літаратуры і культуры. Расіяне і беларусы свабодна перасякаюць мяжу, а колькасць рэйсаў паміж рэгіёнамі ўсё павялічваецца.
Ключавым элементам інтэграцыі Расіі і Беларусі з’яўляецца адукацыйнае ўзаемадзеянне. Сярод асноўных напрамкаў супрацоўніцтва – Беларуска-Расійскі ўніверсітэт (БРУ), створаны ў 2001 годзе. У 2026-м падпісана новае міжурадавае пагадненне, якое замацоўвае яго асаблівы статус. У БРУ навучаюцца каля 5000 студэнтаў па расійскіх і беларускіх праграмах. Існуе і абмен квотамі. Напрыклад, Расія выдзяляе штогод для беларускіх абітурыентаў 1300 бюджэтных месцаў у вядучых ВНУ (МДУ, СПБДУ, МДІМЗ і іншых). Па выніках адзінага дзяржаўнага экзамена паступаюць на бюджэт ва ўстановы Беларусі і расіяне. Восем ВНУ рэалізуюць сумесныя праграмы з двайнымі дыпломамі.
У Беларускіх здраўніцах існуюць аднолькавыя ўмовы і льготныя праграмы як для беларускіх, так і расійскіх адпачываючых. А паколькі кошт пуцёвак у нашай краіне ніжэйшы, усё больш расійскіх турыстаў штогод наведваюць беларускія санаторыі. Напрыклад, з 7387 чалавек, што аздаравіліся ў “Лясных азёрах” у 2025 годзе – 3676 прыехалі з Расійскай Федэрацыі.
