Па запрашэнні Ушацкай раённай грамадскай арганізацыі РГА “Белая Русь” у рамках мерапрыемстваў, прысвечаных 65-годдзю Вялікай Перамогі, днямі ўшацкі край наведала дэлегацыя Наваполацкай гарадской арганізацыі РГА “Белая Русь” на чале з яе кіраўніком Вадзімам Дзевятоўскім.
Яны пабывалі ў музеі народнай славы імя У.Е.Лабанка, а таксама на мемарыяльным комплексе “Прарыў”, дзе ўсклалі вянкі, хвілінай маўчання ўшанавалі памяць загінуўшых у гады Вялікай Айчыннай.
