У 1993 годзе прыватызавалі кватэру (удзел прымалі я, муж і сын), зарэгістравалі яе на мужа, а цяпер хочам падарыць сыну. Як гэта можна зрабіць?
У вашым выпадку спачатку неабходна заключыць у натарыуса пагадненне аб вызначэнні доляў у прыватызаванай кватэры, а на яго падставе рэгістратар нерухомасці ўнясе змяненні ў адзіны дзяржаўны рэгістр і на кожнага з вас будзе зарэгістравана доля. Пасля гэтага вы з мужам можаце падарыць свае долі кватэры сыну.
У 2014 годзе мы з жонкай прыватызавалі на дваіх кватэру, якая зарэгістравана на кожнага ў роўных долях. Я ж хачу вярнуцца на сваю радзіму ў Расійскую Федэрацыю, жонка будзе пражываць у гэтай кватэры і далей плаціць за прыватызацыю, таму мы вырашылі, што я падару ёй належачую мне палову. Ці мабыць існуе нейкі іншы варыянт?
Падарыць сваю палову кватэры жонцы Вы не можаце, бо не выплачаны поўны кошт. Аднак у вашай сітуацыі, паколькі ў прыватызацыі прымалі ўдзел толькі вы ўдваіх, магчыма заключэнне Шлюбнага дагавора, у якім вы з жонкай можаце змяніць прававы рэжым кватэры або іншай нажытай сумесна маёмасці, прапісаўшы, што спыняеце рэжым агульнай долевай уласнасці на кватэру і ўсталёўваеце рэжым асабістай толькі на жонку.
Ж.КАВАЛЕНКА, натарыус.